a Carta Internacional de Dereitos Humanos,
a Carta de Dereitos Fundamentais da UE,
o Convenio Europeo de Dereitos humanos
a Convención de Ginebra para os Refuxiados,
así como diferentes Directivas europeas en materia de asilo.
Tomando como referencia o marco normativo internacional e co obxectivo de garantir o dereito ao asilo, recollido no artigo 14 da Declaración Universal dos Dereitos Humanos, o goberno da Xunta ten que levar a cabo políticas concretas no marco das súas competencias, debe esixir ao Goberno Español que deixe de violar a lexislación internacional e debe resolver en coordinación co Goberno Central os problemas xenerados polo estrepitoso fracaso do programa estatal de integración e acollida.
Esiximos ao Presidente da Xunta , D. Alberto Nuñez Feijoo , que o Goberno Galego tome medidas inmediatas que xa se presentaron por rexistro, e arrancamos unha campaña de recollida de sinaturas coa esperanza de que a presión social consiga finalmente que as cousas cambien.
-APOIA COA TUA SINATURA AQUÍ
-Acceso ao documento presentado por rexistro aquí
-Texto introducido por rexistro:
Ilmo.Sr.
Presidente da Xunta de Galicia.
D.Alberto Nuñez
Feijoo
Xunta de
Galicia
Presidencia.
Edificio de San Caetano, s/n
Santiago de
Compostela
Prezado Sr.Presidente da Xunta
de Galicia,
Dña. Isabel Rey Sastre, con DNI
33.295.763C escribe en representación da Rede Galega en Apoio ás persoas
refuxiadas, coa intención de esixir a Xunta de Galicia que realice accións
inmediatas para resolver a terrible situación que seguen a vivir as persoas
refuxiadas, destacando as seguintes razóns que xustifican a urxencia destas
medidas.
Falar de acollida é falar de dereitos. En virtude do dereito internacional
humanitario, as autoridades teñen obriga de protexer ás persoas que foxen dos
conflitos, violencia, fame ou violacións. Conflitos que, en demasiadas ocasións,
teñen que ver con venta de armas españolas e / ou políticas dos países
europeos.
Tomando
como referencia o marco normativo internacional e co obxectivo de garantir o
dereito ao asilo, recollido no artigo 14 da Declaración Universal dos Dereitos
Humanos, o goberno da Xunta ten que levar a cabo políticas concretas no marco
das súas competencias:
-Unha moción non de lei do Parlamento de Galicia instando ao Consello de
Ministros para que active o Real Decreto 1325/2003, de 24 de outubro, polo que
aproba o Reglamento sobre o Réxime de Protección Temporal no caso de afluencia
masiva de persoas desprazadas.
-Instar ao Goberno do Estado as dúas decisións de obrigado cumprimento
segundo o artigo 288 TFUE, referentes ao acordo de reubicación de 160.000
persoas solicitantes de asilo (Decisión (UE) 2015/1523 e Decisión (UE) 201 511
521).
.Aprobar no Parlamento de Galicia unha declaración oficial de
posicionamento en relación á necesidad de establecer vías legais e seguras para
persoas que se ven na obriga de fuxir dos seus países.
-Establecer unha comunicación regular entre os diferentes niveis da
administración responsables dos diferentes ámbitos que afectan ás persoas
refuxiadas e migrantes; e aumentar o apoio ás entidades especializadas.
-Definir que apoio, que servizos e que infraestruturas pode ofrecer a
Comunidade Autónoma de Galicia para acoller ás persoas solicitantes de
protección internacional, e facelo efectivo.
-Levar a cabo campañas de información á poboación en xeral para que coñezan
a realidade e as necesidades das persoas refuxiadas e solicitantes de asilo e
protección internacional.
- Elaborar e aplicar planes de formación en materias
de protección internacional, asilo, atención ás persoas migrantes, para os
profesionais que traballan con estas persoas (servizos sociais, policía local,
oficinas de atención cidadá, educadores, etc.).
O
sistema galego de acollida e integración está fracasando por ser un marco temporal manifestamente insuficiente
(18 meses ampliable a 24 meses). Así mesmo non hai unha transición efectiva
entre as distintas fases do SAI e non se conseguen os obxectivos. Unha vez
rematado o prazo, hai un abandono institucional a estas persoas e un período
crítico sen axudas (pois o acceso á RISGA ou outras axudas leva uns meses a
partir de non ter ingresos). Fan falta programas complementarios ao SAI e unha
supervisión directa desde a Xunta de Galicia sobre esas familias ANTES de que
rematen o SAI
En referencia á asistencia sanitaria, vivenda,
educación, formación e traballo:
-Cambiar a normativa ou lexislación necesaria para garantir a asistencia
sanitaria e a disposición de medicamentos de todas as persoas refuxiadas e
migrantes.
- Estender e adaptar a asistencia médica e psicológica
para atender as situacións de sufrimentos psicolóxico e mental das persoas
migrantes e solicitantes de protección internacional (vítimas de tortura, abuso
sexual, tráfico de personas ou algún outro tipo de violencia).
-Priorizar
o dereito a vivir en familia nunha vivenda. Lexislar para que os pisos baleiros
que pertencen a entidades bancarias ou entidades de inversión, se transformen
en vivendas de aluguer social. Tomar medidas para facilitar o aluguer ou compra
das persoas migrantes e refuxiadas (axudas, avais, sistemas de propiedade compartida, etc).
-Eliminar
as trabas legais e burocráticas de acceso á formación e á educación. Aplicar a
normativa laboral por igual a toda a cidadanía Todos os nenos teñen dereito á
educación teñan ou non DNI as súas familias, eliminar as trabas para acceder ás
axudas escolares ou de libros pola insuficiente información enviada aos centros
escolares sobre o cambio de normativa, que fai que moitos dos funcionarios
desconozcan que teñen dereito e non informen ás familias nin as tramiten.
- Aumentar
os recursos de apoio educativo ás persoas migrantes e refuxiadas. Establecer mecanismos de recoñecemento da
bagaxe formativa que traen (homologación de títulos, exames de acreditación,
etc).
-Aplicar
a normativa laboral por igual a toda a cidadanía. Eliminar as trabas para a
contratación de estranxeiros. Aumentar as inspeccións laborais para garantir os
dereitos dos traballadores. Promover o acceso a un traballo digno. Establecer
mecanismos de recoñecemento da experiencia laboral.
Agardando
que poidan con urxencia tomar estas medidas e agradecendo de antemán a súa
colaboración , despídese atentamente,
